Monday, September 27, 2021

U mundua të pajtojë çiftin e divorcuar, e pësoi me jetë

33 vjecarja M.M, nga Gadimja e Lipjanit u vra të shtunën mbrëma nga kunati i saj në Gjermani i cili kishte shkuar tek shtëpia e ish gruas së tij. I dyshuari ka plagosur edhe vëllain e tij, 38 vjeçarin F.S.

Klan Kosova mëson se M.M dhe F.S, në shtëpinë e ish kunatës kishin shkuar për të ndërmjetësuar që ta shpëtojnë martesën e saj, e më pas krimi ka ndodhur po aty.

Gjatë së hënës në familjen e viktimës kanë hapur të pamën, mirëpo nuk pranuan të komentojnë diçka publikisht, pos të tregojnë se vajza e tyre nuk ka pasur asnjë problem me familjen e burrit të saj, njofton Klan Kosova.

Në lidhje me rastin nuk folën as familjarët e të plagosurit njëkohësisht edhe të dyshuarit, që janë nga Ferizaj.

Gjatë ngjarjes raportohet se dëshmitarë ishin edhe disa fëmijë, ndërkaq jozyrtarisht, Klan Kosova mëson se i dyshuari kishte ushtruar dhunë edhe më parë ndaj ish bashkëshortes së tij.

M.M, pas vetës ka lënë tre fëmijë, e varrimi i saj do të bëhet në Gadime.