Home Lajme Mërgim Lushtaku reagon ndaj akuzave që Bekim Jashari i bëri babait të...

Mërgim Lushtaku reagon ndaj akuzave që Bekim Jashari i bëri babait të tij

Djali i Sami Lushtakut i kundërpërgjigjet Bekim Jasharit pas akuzave për babain.

Kreu i Komunës së Skenderajt, Bekim Jashari, në një intervistë në Rtv Dukagjini ka shpërthyer në akuza të rënda për kreun e Degës së PDK’së, Sami Lushtakun, duke thënë se falë mbështetjes së Jasharajve ai është bërë komandant i UÇK’së, sepse rrethi i ngushtë i ish-komandantit legjendar s’do ta lejonte të bëhej.

Ndaj këtyre akuzave të Jasharit ka reaguar djali i Sami Lushtakut, Mërgimi, përmes një postimi në Facebook.

“Dje, sot, nesër dhe përgjithmonë, e kam mbrojtur dhe do ta mbroj të vërtetën, luftën e drejtë dhe të pastër të Ushtrisë Çlirimtare të Kosovës”, shkroi Lushtaku duke cituar babanë e tij.

Ndërsa, Jashari tha sonte se Sami Lushtaku një kohë të madhe të kohës ka qëndruar larg pikave të nxehta të luftës.

“Ne e kemi përkrah, sepse sikur mos të kishim përkrahë, Samiun nuk do ta kishin lënë të bëhej komandant. S’do ta kishin lënë rrethi i ngushtë i Adem Jasharit”, ka thënë Jashari.

Përveç kësaj, Bekim Jashari, ka thënë se Sami Lushtaku gjatë kohës së luftës ka blerë villë, saktësisht në vitin 1998.

Most Popular