Tuesday, October 26, 2021

Videoklipi më i gjatë në histori, zgjat mbi 4 mijë orë

“Twenty One Pilots” ka vendosur zyrtarisht një rekord të ri për videoklipin më të gjatë të të gjitha kohërave, me pak më shumë se 4,264 orë.

Grupi pop, i njohur për hitin e tyre “Stressed Out”, publikoi këngën “Niveli i Shqetësimit” në muajin prill.

Dy muaj më vonë, dyshja njoftoi se po bënin një videoklip muzikor “pa mbarim” për këngën, duke përdorur video dhe foto që fansat e tyre do të ngarkonin në internet.

Produkti përfundimtar ishte një transmetim i vazhdueshëm i drejtpërdrejtë në YouTube. Kënga do të luante në një cikël dhe sa herë që ajo të fillonte përsëri, videot e reja të fansave do të shfaqeshin, duke krijuar videoklipin e synuar “pa mbarim”.

Por “fundi” erdhi. Pas një transmetimi prej 117 ditësh, 16 orësh, 10 minutash dhe 25 sekondash që nisi më 21 qershor dhe përfundoi më 16 dhjetor.

Rekordet Botërore të Guinness zyrtarizuan arritjen e tyre, ndërsa rekordi I mëparshëm mbahej nga Pharrell Ëilliams, i cili krijoi një video muzikore 24-orëshe në 2013.