Home Lajme Përplasje në KQZ, shkak votat e mërgimtarëve

Përplasje në KQZ, shkak votat e mërgimtarëve

Alim Rama, përfaqësues i Vetëvendosjes në Komisionin Qendror Zgjedhor, ka akuzuar këtë institucion se po mundohet, sipas tij, të vë edhe një pengesë për votuesit jashtë Kosovës.

Rama ka thënë se votat duhet të mbërrijnë në kutinë postare të KQZ-së dhe ka ftuar Sekretariatin e KQZ-së të sqarohet se si ka shkuar në të kaluarën dhe si duhet të shkojë, por nuk ka marrë përgjigje.

Ndërkohë, përfaqësuesi i LDK-së, Sami Hamiti, ai i PDK-së Arianit Elshani dhe kryesuesja e KQZ-së, Valdete Daka, kanë thënë se votat duhet të mbërrijnë në Fahun Postal, Posta numër 6, pasi sipas tyre, ashtu parasheh ligji.

Rama ka akuzuar se sipas raportit të organizatës “Germin”, Posta e Kosovës nuk është treguar korrekte në zgjedhjet e fundit.

Në fund, kjo çështje u la të diskutohet në fund të mbledhjes.

Most Popular