Home Lajme Babai i të dy dëshmorëve gjendet i vdekur në pusetë, rasti nën...

Babai i të dy dëshmorëve gjendet i vdekur në pusetë, rasti nën hetime

80 vjeçari nga Vushtrria me inicialet H.B dyshohet se është gjetur i vdekur nga gruaja e djalit të tij.

Familjarët e të ndjerit nuk pranuan të deklarohen para kamerës për këtë rast.

Por, T7 mëson se gruaja e djalit, vjehrrin e saj e gjeti të vdekur në oborr pasi që ai kishte provuar të rregullojë disa probleme që kishin me ujë.

Ndërkohë edhe vetë nipi i të ndjerit bëri me dije për televizionin se gjyshin e tij e kishte lëshuar zemra dhe se kjo ishte arsyeja e vdekjes së tij.

Ani pse familjarët thonë kështu, njëtë nuk thonë nga Policia e Kosovës.

Ata e kanë cilësuar këtë si vdekje të dyshimtë.

Avni Zahiti, zëdhënës në Policinë Rajonale të Mitrovicës tha se ky rast është cilësuar si vdekje e dyshimtë nga Prokurori dhe se është dërguar për hetim në ekspertizë.

80 vjeçari H.B ishte babai i dy dëshmorëve të cilët dhanë jetën në masakrën e 22 majit. Për këtë arsye edhe rruga ku gjendet shtëpia mban këtë emër.

Most Popular