Home Lajme Si u mashtrua kosovari nga tre ganezë, pagoi rreth 4 mijë euro...

Si u mashtrua kosovari nga tre ganezë, pagoi rreth 4 mijë euro për t’i tërhequr 16 milionë dollarët e ‘trashëguar’

Një qytetar nga Fushë-Kosova thotë se ka paguar rreth 4 mijë euro për t’i tërhequr 16 milionë dollarë, të cilët tre persona nga Gana i kanë thënë se ia ka lënë trashëgim një person me emrin Gabriel, i cili gjoja kishte mbiemrin e tij.

Isaac Odent dhe Simon Dornoo, si dhe një person tjetër, i cili është prezantuar si avokat, kanë kontaktuar me qytetarin, të cilit i kanë shënuar disa adresa me emra të personave të ndryshëm, ku ai duhet t’i dërgonte paratë, në mënyrë që “t’i tërhiqte dollarët që i ishin trashëguar”.

Mirëpo, pasi që i ka kryer pagesat, ai thotë se tre personat në fjalë nuk i janë përgjigjur më.

Për ta zbardhur këtë rast, ai tha  se ka kërkuar ndihmë nga EULEX-it.

Ai thotë se ka dërguar ankesë edhe në Ministrinë e Drejtësisë në Gana, në shtetin e origjinës së tre personave të cilët thotë se e mashtruan, por nuk ka pranuar ende ndonjë përgjigje.

Për një rast të tillë të mashtrimit Sinjali ka raportuar se ka ndodhur ditë më parë në Prizren. Atje një qytetar ka paguar 10 mijë euro për t’i tërhequr 5 milionë dollarë, të cilat një person në Facebook i ka thënë se t’i ka lënë trashëgim një i afërm.

Për këtë rast, Prokuroria Themelore në Prizren ka nisur hetimet./sinjali

Image
Image
Image
Image
Image
Image

Most Popular