Monday, September 20, 2021

Eros Grezda konfirmon ndarjen nga Oriola Marashi: Secili ka ëndrrat dhe punët e veta

Futbollisti shqiptar, Eros Grezda, ka qenë shumë i komentuar për jetën e tij private.

Për një kohë të gjatë ai ka qenë në lidhje me modelen Oriola Marashi, por që dyshja duket se i kanë ndarë tashmë rrugët.

Këtë gjë e ka konfirmuar vet futbollisti nga Gjakova, në një intervistë të fundit për PanoramaSport, ku ka thënë se çifti gëzojnë respekt të ndërsjellë dhe se nuk mund të jenë mes vete më shumë se sa shokë.

“Po, është folur shumë rreth kësaj çështjeje. Shpresoj që të jetë hera e fundit që unë flas për lidhjen time. Për Oriolën kam shumë respekt dhe gjithashtu për familjen e saj. Po, është e vërtetë që ne jemi ndarë dhe nëse ndonjëherë do të jemi bashkë, kjo do të jetë vetëm si shokë”, ka thënë Grezda.

Tutje, i njëjti nuk ka dashur të shtjellojë në detaje arsyet që çuan deri në ndarjen e ish-çiftit.

“Secili ka ëndrrat dhe punët e veta. Kaq dhe nuk dua të them më asgjë”, ka thënë Erosi

Futbollisti i njohur përndryshe në një rrëfim të bërë së fundmi në rrjetet sociale, është shprehur se ndjehet i lumtur që do t’i rikthehet pasionit të tij, ani pse operimet dhe lëndimet e shumta përgjatë dy viteve të fundit e lanë pak mbrapa në karrierë.