Tuesday, September 21, 2021

16 të vdekur dhe 2,098 të infektuar me COVID 19 në 24 orët e fundit

Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, ka njoftuar se nga 12.564 testime, 2.098 qytetarë kanë rezultuar pozitiv me virusin COVID-19.

MSH informon se gjatë 24 orëve të fundit, janë shënuar 16 raste të vdekjes.

Ndërsa sot janë shëruar 1.614 qytetarë, derisa numri i përgjithshëm i të shëruarve është 111.400.

Në total numri i rasteve aktive është 25.407.

Në 24 orët e fundit janë dhënë 15.862 doza të vaksinës kundër COVID-19.

Prej fillimit të vaksinimit në të gjitha qytetet e Kosovës janë dhënë 780.637 doza të vaksinës.

Deri më sot 261.818 qytetarë janë vaksinuar me dozën e dytë.