Monday, September 20, 2021

Guardiola për Kane: Mjeshtri i madh që i di të gjitha nuk donte të fliste!

Harry Kane nuk u transferua dot te Manchester City. Sulmuesi kërkoi largimin nga Tottenham, por presidenti Daniel Levy nuk dëshironte ta humbte goleadorin.

Të paktën jo pa 160 milion sterlina, një shifër shumë e lartë që “Qytetarët” nuk e ofruan. Në lidhje me tratativat ka folur trajneri i City, Pep Guardiola.

“Tottenham nuk donte të negocionte. Ata nuk donin të flisnin, kështu që nuk folëm. U përpoqëm të hapim dyert, por mjeshtri madh i negociatave, Daniel Levy, i cili di gjithçka, nuk donte.

Ndoshta edhe unë do të bëja të njëjtën gjë po të kisha Harry Kane”, është shprehur trajneri spanjoll i Manchester City, i cili ka deklaruar se do largohet nga anglezët në verën e vitit 2023.