Monday, September 20, 2021

Turistët vjedhin stalaktite gjatë udhëtimit, por i harrojnë në restorant

Stalaktitet dhe stalagmitet dhe pjesët e tjera të shkëmbit të shkëputura nga shpellat dhe luginat u gjetën brenda një çantë shpine të harruar nga turistët e rinj gjermanë në një restorant në Tortolì në Sardenjë. Historia, e plotësuar me fotografi të bashkangjitura, tregohet në Facebook nga aktivistët e “Sardegna Rubata e Depredata”, të cilët merren me bastisjet e rërës dhe guralecëve nga brigjet e ishullit.

Grupi i të rinjve ndaloi në restorant për të ngrënë, pasi kaloi një ditë shëtitje të vështirë në territorin e Supramonte di Urzulei në Ogliastra dhe harruan çantën e shpinës. Punonjësit e restorantit tentuan t í ndiqnin për t’u kthyer çantën, por ata ishin larguar. Kështu që ata vendosën t’i hedhin nëj sy çantës për të gjetur një element të dobishëm për t’i gjetur ata, kur zbuluan vjedhjen.

“Për fat të keq nuk ka asnjë element të dobishëm në çantën e shpinës për të gjetur identitetin e vandalëve mjedisorë, dhe për fat të keq ata nuk përdorën instrumente pagese të gjurmueshme për të paguar faturën” – thuhet në postimin e Sardegna Rubata e Depredata.

“Mbetet vetëm keqardhja e thellë dhe sensi i pafuqisë që vjen nga sjelljet kriminale dhe të papranueshme si kjo, dhe pyetja nëse ky është me të vërtetë turizmi për të cilin kemi nevojë?