Thursday, January 20, 2022

Analistit të Vetëvendosjes, partia ia punëson gruan në Universitetin “Haxhi Zeka”

Lëvizja Vetëvendosje ka qenë më e zëshmja kundër punësimeve me forma nepotiste e klienteliste sa ishte në opozitë, shkruan Gazeta Infokus.

Madje ata nuk patën hezituar as të u thonin hapur deputetëve e anëtarëve të partive tjera se “akrabaja janë për dasmë, jo për punësime në institucione”, por tash kur vet i kanë hipur pushtetit sikur e kanë harruar këtë moto.

Përveç rasteve tjera të punësimeve familjare e klienteliste, së fundmi qeveria e Albin Kurtit ka emëruar në Këshillin Drejtues të Universitetit “Haxhi Zeka”, gruan e analistit të zëshëm të Lëvizjes, Xhevdet Pozhari, Emine Abdyli Pozhari.

Xhevdet Pozhari në Qeverinë Kurti I, ka mbajtur pozitën e këshillëtarit të ministrit Arben Vitia./Gazeta Infokus/