Lajme

Më në fund reagon Albin Kurti për rastin ndaj gazetarit Duriqi, ia lë fajin qeverisë Hoti

Ministrja Hajdari deklarohet për aksidentin e sotëm: Një fëmijë u përplas në veturën time
7:20 / 25 February 2021

Kreu i VV-së, Albin Kurti ka reaguar për sulmin që iu bë gazetarit Visar Duriqi natën e mbrëmshme.

Kurti nuk e ka lënë pa u marrë pak me qeverinë aktuale të Kosovës duke thënë se përveç rekordeve të kqija, po u shton edhe probleme me rendin publik, shkruan lajmi.net.

Kurti gjithashtu ka thënë se qeveria e ardhshme e ka mision ruajtjen e demokracisë dhe fjalës së lirë.

Ai ka bërë thirrje te forcat e rendit që të zbardhin rastin dhe të vënë para drejtësisë përgjegjësit.

Ky është postimi i tij:

Qeveria kujdestare rekordeve të veta të këqija po u shton edhe atë të problemeve me rendin publik.

Rrahja e familjarëve të politikanëve për shkak të qëndrimit të tyre politik, rrahja e gazetarëve për shkak të punës dhe fjalës së tyre, janë fenomene negative që populli i Kosovës nuk i duron. Qeveria e ardhshme e konsideron si mision ruajtjen e demokracisë dhe të lirisë së fjalës, bindjes e veprimtarisë politike, sipas ligjit. Ata që mendojnë se mund ta ndalin demokracinë me gangsterizim, le ta dinë se koha e tyre ka perënduar. Njëri-tjetrin mund “ta mundim” vetëm me fakte, me argumente, me logjikë e me mjete demokratike. U bëj thirrje forcave të rendit që me profesionalizëm e angazhim të vënë sa më shpejt para përgjegjësisë dhunuesit.

I uroj shërim të shpejtë e rikthim në detyrë gazetarit Visar Duriqi.