Sot, më 14.06.2024, do të nisë Kampionati Europian 2024, ku nikoqirët e Gjermanisë do të luajnë ndeshjen hapëse ndaj Skocisë, e vlefshme për Grupin A.
Kampionati i 17-të Europian i futbollit, i cili do të zgjasë deri më 14 korrik, do të nisë sonte me ceremoninë e hapjes dhe ndeshjen mes Gjermanisë dhe Skocisë në stadiumin Allianz Arena të Mynihut nga ora 21:00. Në turne do të marrin pjesë 24 skuadra dhe Gjeorgjia është e vetmja kombëtare që do të debutojë për herë të parë në një Kampionat Europian mes përzgjedhjeve më të mira europiane.
Kampionati Europian i futbollit do të mbahet në dhjetë qytete dhe dhjetë stadiume në Gjermani. Ndeshja e parë mes Gjermanisë dhe Skocisë do të luhet më 14 qershor në Mynih, ndërsa finalja do të luhet më 14 korrik në stadiumin Olimpik të Berlinit.