Kandidatja për deputete nga Lidhja Demokratike e Kosovës (LDK), Rrezarta Krasniqi, me numrin 36 në listë zgjedhore, ka zhvilluar një takim me kryetaren e Forumit të Gruas të LDK-së në Ferizaj, Bahrije Hyseni.
Gjatë këtij takimi, Krasniqi ka vlerësuar lart përkrahjen e vazhdueshme dhe angazhimin e palodhur të Hysenit në fuqizimin e rolit të grave në politikë dhe në strukturat e LDK-së. Ajo ka theksuar rëndësinë e bashkëpunimit dhe mbështetjes së ndërsjellë për avancimin e kauzave që lidhen me gratë dhe zhvillimin e partisë.
Takimi u cilësua si një moment reflektimi dhe energjie pozitive në kuadër të angazhimeve të saj politike dhe fushatës zgjedhore.
