Nata e kaluar ishte e kobshme për tre persona. Lordi Syla, Molos Delija dhe Nue Bibaj, dyshohet të kenë qenë duke përcjellë një garë mes veturash në autostradën “Ibrahim Rugova”.
Njëra nga veturat e ka humbur kontrollin dhe ka goditur shikuesit, ku humbën jetën Syla, Delija dhe Bibaj.
Nacionale ka mësuar se shoferi i veturës i cili është arrestuar, është familjar tejet i afërt i tashmë të ndjerit Lordi Syla.
![No photo description available.](https://scontent.fprn4-1.fna.fbcdn.net/v/t39.30808-6/317536989_2184160275098290_7497356223988577711_n.jpg?stp=cp6_dst-jpg&_nc_cat=111&ccb=1-7&_nc_sid=efb6e6&_nc_ohc=LW18dvHfzZ4AX_vK-kr&_nc_oc=AQmYcHT3YiY_wKecIehahTda0JjkbOdIC2YICTnVHn3g5dw5kTHlacpLA98Nie_nXAo&_nc_ht=scontent.fprn4-1.fna&oh=00_AfBP7N51zC1pL-Xv_qYCNqizVt7BuN1tDTUtZRbUQEvBgw&oe=6582E866)
I ndjeri sipas informatave jozyrtare, kishte shkuar për ta përcjellur garën mes familjarit të tij dhe shoferit të një veture tjetër.
Gazeta Nacionale nga burimet e veta ka mësuar gjithashtu se viktima Lordi Syla, është vëlla i avokatit të njohur, Leutrim Syla. Leutrimi është avokat me emër, dhe merr pjesë në konferenca e emisione të ndryshme televizive lidhur me sistemin e drejtësisë.
![](https://betimiperdrejtesi.com/wp-content/uploads/2023/12/368084972_357300043571831_8310225290794833344_n-1-750x430.jpg)
Kurse, vëllai tjetër i Lordit, është Ali Syla, polic i Kosovës. Kjo mund të shihet edhe nëpër fotografi të ndryshme në rrjete sociale. Edhe polici Syla është gjithashtu figurë e njohur për punën e tij në Policinë e Kosovës.
![](https://nacionale.com/uploads/Polic-avokat.jpg)
Babai i Lordit, Muhamet Syla, ishte luftëtar i Ushtrisë Çlirimtare të Kosovës.
Muhameti ditën e sotme ka bërë edhe një postim në rrjete sociale.
“Ma kpute zemren bab, ishallah Allahu ne xhehnet”, ka shkruar ai.
Policia e Kosovës ka konfirmuar aksidentin me tre të vdekur në Autostradën “Ibrahim Rugova”.
Sipas policisë, shoferi i veturës dyshohet se ka humbur kontrollin mbi veturën dhe për pasojë ka goditur tre persona meshkuj kosovar-këmbësorë.
Në këtë aksident, tre persona të tjerë kanë pësuar lëndime.
I dyshuari është arrestuar dhe dërguar në mbajtje.
“AKSIDENT TRAFIKU ME FATALITE – Autostrada-Ibrahim Rugova, (km-15) 16.12.2023-22:45. Gjatë ngasjes në autostradë i dyshuari kosovar dyshohet se ka humbur kontrollin mbi veturën dhe për pasojë ka goditur tre persona meshkuj kosovar-këmbësorë. Si pasojë, tre personat e goditur kanë humbur jetën, ndërsa tre të tjerë kanë pësuar lëndime dhe janë dërguar për tretman mjekësor. Në vendin e ngjarjes ka dalë edhe prokurori i rastit dhe me vendimin e tij (tre) trupat e pajetë pasi është konstatuar vdekja e tyre nga ekipi mjekësor, janë dërguar në IML për obduksion. Me urdhër të prokurorit, i dyshuari është dërguar në mbajtje. Hetimet lidhur me këtë aksident janë duke u kryer nga njësitet relevante policore.” – thuhet në raportin 24 orësh të PK-së.
Për ngjarjen, institucionet e drejtësisë e të sigurisë po vazhdojnë hetimet.
![](https://nacionale.com/uploads/Leutrim-Syla.jpg)