Një nga premtimet që ishte dhënë gjatë fushatës por edhe pasi nisi mandati i Bedri Hamzës, ka qenë edhe ky.
Nënkryetari Arian Tahiri pati premtuar edhe pasi nisi mandati se shkronjat do të vendosen brenda vitit 2023.
Siç njofton Tahiri, ky premtim u përmbush dhe me datë 30 dhjetor bëhet përurimi i projektit.
Postimi i plotë:
Tashmë po merr formë edhe projekti më i veçantë i këtij viti. Shkronjat e arta të UÇK-së janë vendosur në kodrën që duket nga e gjithë Mitrovica dhe rrethina.
Kanë mbetur edhe disa punë infrastrukturore, për të shndërruar këtë kodër në një prej pikave më atraktive në Mitrovicë.
Më 30 dhjetor, në Ditën e Veteranëve të UÇK-së, do të bëhet përurimi i tri shkronjave më domethënëse për historinë e Kosovës.