Policia e Kosovës ka arrestuar një burrë në Obiliq, meqë i njëjti është kapur duke e mbushur kamionetën e tij me thëngjill nga shiritat transportues të KEK’ut, raporton Express.
Përmes raportit 24 orësh, Policia ka bërë me dije se automjeti dhe thëngjilli janë sekuestruar.
“VJEDHJE – Obiliq / 28.12.2023 – 16:50. Është arrestuar i dyshuari kosovar për shkak se është kapur duke e mbushur kamionetën e tij me thëngjill nga shiritat transportues të KEK-ut. Automjeti dhe thëngjilli janë sekuestruar, ndërsa i dyshuari pas intervistimit me vendim të prokurorit është dërguar në mbajtje”, thuhet në raport.