Armando Broja pritet të largohet nga Chelsea në afatin kalimtar të janarit.
Sulmuesi shqiptar nuk ka arritur ta bind trajnerin Mauricio Pochettino, i cili është duke e kërkuar një sulmues tjetër për pjesën e dytë të sezonit.
Dhe, mediat britanike raportojnë se përfaqësuesi shqiptar i ka bërë valixhet gati dhe në dy javët në vazhdim do ta gjejë ekipin e ri.
Interesim për ish-futbollistin e Southamptonit ka shfaqur Wolverhamptoni, shkruan “Gazeta Express”.
Broja ishte titullar në fitoren e “Blues” ndaj Fulhamit në fundjavën që shkoi, por bëri paraqitje të zbehtë dhe u zëvendësua në minutën e 66-të.
Ai nuk ishte i aftë t’i tregonte vlerat e tij pas rikthimit nga lëndimi i gjurit, i pësuar vitin e kaluar.
Pasi shënoi në fitoren e londinezëve ndaj Preston në FA Cup këtë muaj, ai përfundoi në bankinë në humbjen 0:1 nga Middlesbrough në ndeshjen e parë gjysmëfinale të Carabao Cup.
Broja ka kontratë me “Të Kaltrit” deri në vitin 2028, por largimi i tij në këtë muaj duket të jetë i pashmangshëm.
Përpos Wolverhamptonit, interesim për lojtarin ka shfaqur edhe West Ham United.
Broja i ka shënuar dy gola në 17 ndeshje me Chelsean në këtë edicion.
Në Itali, atë e pëlqejnë disa klube, përfshirë këtu Napolin dhe Milanin.
Broja është produkt i akademisë së Chelseat.