Klubi basketbollistik Vëllaznimi është përforcuar me qendrën holandeze, Craig Osaikhwuwuomwam. Ka qenë vetë skuadra gjakovare e cila ka njoftuar për afrimin.
“Craig është qendër e njohur 33 vjeçare dhe i gjatë 211cm. Ai ka një eksperiencë të gjatë në top kampionate evropiane ku për 10 sezone luajti në elitën e basketbollit holandez për skuadra si Apollo Amsterdam, Nijmegen Magixx, LWD Basket, Donar Groningen dhe Lamstede Hammers, kurse luajti edhe në elitën e Republikës së Çekisë për BK Armex dhe për top ekipin estonez, Talinna Kalev. Craig njihet si lojtar me karakteristika të shumëanshme dhe me shumë dimensionalitet në sulm, duke pasur shkathtësi asistuese, ashtu si ato defensive”, ka shkruar Vëllaznimi. “Emri i tij është i vështirë, ashtu siç do ta kenë të vështirë ekipet kundërshtare ta ndalin atë”.