Qeveria ka mbajtur një mbledhje elektronike përgjatë së mërkurës.
Këtë e ka bërë të ditur Zyra e Kryeministrit me anë të një komunikate për media, duke kumtuar të dy vendimet e ndërmarra.
Sipas njoftimit të ZKM’së, në mbledhje janë ndryshuar dy tabela të Ligjit mbi Ndarjet Buxhetore për buxhetin e Kosovës, si dhe obligimet e pakryera financiare nga viti paraprak.
Njoftimi i ZKM’së:
Qeveria e Republikës së Kosovës ka zhvilluar sot një mbledhje elektronike, në të cilën ka miratuar:
-Ndryshimet në tabelat 3.1 dhe 3.2 të Ligjit Mbi Ndarjet Buxhetore për Buxhetin e Republikës së Kosovës për vitin 2024, për të përmbushur obligimet e pakryera financiare dhe kontraktuale nga viti paraprak.
-Pasqyrën preliminare financiare për ekzekutimin e buxhetit dhe bilancin e fondeve për vitin 2023.