Dukesha e Sussex-it, Meghan Markle, e ftoi këngëtaren në podcastin e saj. Dukesha e Sussex-it është kryefjalë e mediave këtë herë për përpjekjen e saj, për të krijuar një miqësi me superyllin e popit Taylor Swift. Sipas komentatorit mbretëror Kinsey Schofield, Meghan bëri përpjekje të mëdha për t’u lidhur me Swift-in, madje shkoi aq larg sa i shkruante asaj një letër të shkruar me dorë.
Schofield zbuloi në “GB News” se Meghan “e ftoi Taylor Swift në podcastin e saj duke u ulur dhe duke i shkruar asaj një letër të shkruar me dorë duke e lutur që të ishte në Archetypes”. “Unë mendoj se Meghan dshiron të jetë si Taylor Sëift nga pikëpamja e marketingut”, siguroi Schofield.
Komentatorja mbretërore vuri në dukje gjithashtu pjesëmarrjen e Meghan në një nga koncertet e Swift në Los Anxhelos, duke sugjeruar se Dukesha dëshironte të lidhej publikisht me ikonën e popit. Megjithatë, paraqitja e Swift në podcast-in e Meghan nuk u materializua kurrë, pasi Spotify njoftoi anulimin e serialit në qershor 2023. Anulimi ishte pjesë e një riorganizimi më të gjerë strategjik nga platforma.
Podcasti, i lançuar nga Meghan në vitin 2022, ishte pjesë e një marrëveshjeje shumëmilionëshe me Spotify të nënshkruar në dhjetor 2020. Pavarësisht anulimit, marrëveshja e ish-çiftit mbretëror me Spotify fillimisht kishte për qëllim të prodhonte podcaste që do të “frymëzonin”.
Ndërkohë, Taylor Swift është aktualisht në turneun e saj Eras, me ndalesën e radhës në Sydney, Australi. Artistja fituese e Grammy thuhet se po qëndron në vilën presidenciale në hotelin me pesë yje Crown Sydney. Përpjekja e Meghan Markle për t’u miqësuar me Taylor Swift hedh dritë mbi kompleksitetin e jetës mbretërore dhe kulturës së të famshmëve, duke treguar se edhe anëtarët e familjes mbretërore nuk janë të imunizuar ndaj joshjes së superyjeve të popit./Bordo.al