Është marrë vendimi ndaj të pandehurit që kishte tentuar të shantazhonte kryetarin e Komunës së Skenderajt, Fadil Nura dhe familjaret e tij.
Gjykata Themelore në Mitrovicë, dega në Skenderaj e ka dënuar me 6 muaj burgim dhe 1.800€ gjobë të pandehurin.
Lajmin për perfundimin e këtij aktgjykimi, e ka dhënë vetë Fadil Nura përmes rrjetit social “facebook”.
“Të dashur qytetarë,
Nuk kemi nevojë ta marrim drejtësinë në duar, përderisa vepron ligji.
Andaj, të gjithë atyre që e provojnë shantazhin si mjet për arritjen e qëllimeve të tyre, u themi stop!
“Ligji nuk mund të ndryshojë shpirtin e njerëzve, por mund të mbajë nën fre njerëzit e pashpirt” – Martin Luther King”, ka shkruar Nura, i cili ka bashkangjitur edhe dokumentet.
