Barcelona është bërë me trajner të ri.
Pasi i ndau rrugët me trajnerin Xavi Hernandez, presidenti Joan Laporta e ka gjetur menjëherë pasuesin e tij.
Bëhet fjalë për trajnerin gjerman, Hansi Flick, i cili është edhe zyrtarisht trajner i ri i gjigantit katalunas, njofton gazetari sportiv italian Fabrizio Romano, përcjell “Gazeta Express”.
Nënshkrimi i kontratës u bë pas takimit të Bordit të klubit me të dhe me menaxherin Pini Zahavi.
Trajneri gjerman ka zbarkuar mbrëmë në Kataluni, ndërsa sot vjen edhe zyrtarizimi i punës së tij të re.
Nuk dihen ende krejt detajet, të cilat do të bëhen të ditura në orët në vazhdim.
