Emigrimi i të rinjve nga Kosova në përgjithësi dhe nga Drenica në veçanti ka marrë përmasa shqetësuese duke pasur parasysh situatën e vështirë ekonomike në Kosovë, shkruan portali rajoni.org.
Si pasojë e kësaj, shumë firma, sidomos ato në ndërtimtari, janë duke ndier mungesën e fuqisë punëtore. Të shtyrë nga kjo situatë, pronarët e këtyre kompanive janë duke importuar fuqi punëtore nga jashtë.
Një zgjidhje të tillë është detyruar ta bëjë firma “Kuqi”, e cila ka importuar punëtorë nga Bangladeshi.
Aktualisht, kjo firmë ka 10 punëtorë nga Bangladeshi të cilët janë duke kryer punë në Skenderaj. Mirëpo, në bazë të hulumtimeve që ka bërë rajoni, shumica e këtyre punëtorëve e shohin Kosovën si vend tranzit sepse synim e kanë Perëndimin./Rajoni.org/
