Sheikha Mahra Bint Mohammed Bin Rashid Al Maktoum, vajza e sundimtarit të Dubait, e la burrin e saj, Mana Al Maktoum, në korrik përmes një postimi në Instagram.
Ajo shkroi: “I dashur bashkëshort, meqë je i zënë me të tjerat, po e shpall këtu divorcin tonë. Po divorcohem nga ti. Kujdesu për veten. Ish-gruaja jote”. Ky lajm bëri bujë në rrjetet sociale.
Tani, ajo ka befasuar ndjekësit e saj me një projekt të ri biznesi, për të cilin shumë e kanë quajtur një ikonë të vërtetë. Ajo ka lansuar një parfum me një emër të përshtatshëm – “Divorc”.
Princesha e Dubait prezantoi parfumin e saj luksoz për qindra mijëra ndjekës në Instagram. Në reklamën e saj, ajo shfaqte një shishe të zezë parfumi dhe sytë e një pantere të zezë.
Ndjekësit shpejt reaguan me komente si: “Ku mund ta porosis?”, duke lavdëruar mënyrën se si Mahra po përballon divorcin.
Mahra dhe ish-burri i saj u martuan në maj të vitit 2023 dhe një vit më vonë mirëpritën një vajzë.
Çifti ndaloi së ndjekuri njëri-tjetrin në rrjetet sociale dhe fshinë të gjitha postimet e përbashkëta nga profilet e tyre.
Asnjë anëtar i familjes dhe as ish-bashkëshorti nuk kanë komentuar për postimin e saj.