Ka reaguar deputetja Blerta Deliu lidhur me disa akuza të cilët pretendonin së kompania ndërtimore “Valoni” me bazë në Skenderaj është në pronësi të saj apo të vëllaut të saj, shkruan portali rajoni.org.
Deliu i ka mohuar këto pretendime. Ajo në rrjetin social “facebook” këto pretendime i ka quajtur shpifje dhe së sipas saj kjo është luftë hibride që eksponentët e pushtetin e kanë filluar ndaj saj.
Ajo ka thënë së pronari i kompanisë “Valoni”, Naseri, nuk është vëllau i saj por është i afërm i saj, dukë treguar së ai është kushëriri dhe bashkëfshatari i saj.
Së ata janë të afërt, një gjë e tille vërtetohet përmes imazheve të publikuar nëpër rrjete sociale.
“Eksponentë të pushtetit paskan fillu këtë “luftën hibride” ndaj opozitës, e posaçërisht ndaj meje në rrjete sociale. Këtë herë, më paskan lidhë si pronare të një kompanie ndërtimi, e të cilën, sipas tyre, po e menaxhojka “vëllau” im Naseri. Tash, për shpifjet ndaj meje, unë jam mësu. Nuk po më vjen çudi as kjo e pavërtetë”, thuhet në reagimin e deputetes Deliu.
Rasti i Skandalit të Naser Deliut dhe familjarit të tij:
Qytetari, Bekim Gecaj nga Lluasha ka humbur jetën në dhjetor të vitit të kaluar si pasojë e lëndimeve të rënda që kishte marrë në një aksident trafiku në fshatin Llaushë të Skenderajt. 49-vjeçari që ishte goditur nga një veturë, nuk kishte arritur që t’i përballojë plagët e marra dhe si pasojë ka ndërruar jetë, raporton rajoni.org.
Çdokush do të mendonte se shoferi i rastit mënjëherë pas rastit do të ishte në qendrën e paraburgimit, duke vuajtur 30 ditëshin e parë të ndëshkimit për aksidentin e shkaktuar. Por, kjo nuk ka ndodhur.
Rajoni kishte mësuar se ai nuk ka vuajtur asnjë natë në burg. Është i lirë që nga nata kur shkaktoi aksidentin. Që nga 27 dhjetori i vitit të kaluar.
Poashtu portali rajoni.org zbulon së njëriu që e mbyti Bekimin nga Skenderaj rastisi të jetë djali i axhes së bizismenit të fuqishëm të Skenderajt, Naser Deliu.
Biznesmeni Naser Deliu është i njohur për lidhjet e tij të fuqishme me politikën e me grupe të fuqishme të interesit.