Pa dyshim, rasti tragjik i mbrëmshëm në Kopiliq të Skenderajt, ku një person humbi jetën në një aksident trafiku, është një shqetësim që kërkon analizë të thellë, shkruan portali rajoni.org.
Është e domosdoshme të hetohen shkaqet që çuan në këtë tragjedi dhe të identifikohen masat preventive që mund të parandalojnë përsëritjen e ngjarjeve të tilla.
Në aksin rrugor Skenderaj-Klinë, konkretisht të lagja Shala e Kopiliqit, nga paslufta kanë humbur jetën tragjikisht 8 persona, përfshirë nxënës të shkollës që qarkullojnë në atë zonë.
Banorët e Kopiliqit kanë kërkuar prej kohësh vendosjen e “policëve të shtrirë” pengesa dhe sinjalistikës adekuate për të rritur sigurinë rrugore.
Ata theksojnë për rajonin së me këto masa mund të krijohen parakushte për shpëtimin e jetëve njerëzore.
Është koha për veprim të menjëhershëm, në mënyrë që aksidentet e tilla të mos përsëriten më.