Policia në orët e mëngjesit ka nisur një aksion në disa lokacione nëpër rajonet e Kosovës.
Lajmin e ka konfirmuar Baki Kelani, zëdhënës i Policisë së Kosovës i cili ka treguar se aksioni po zhvillohet në rajonin e Prishtinës, Gjilanit, Gjakovës e Mitrovicës së Jugut.
“Mund të konfirmojmë se, sot në orët e hershme të mëngjesit, Policia e Kosovës në bashkëpunim dhe koordinim me institucionet kompetente ka filluar realizimin e një operacioni policor i cili përfshinë disa rajone të Kosovës, si DRP Prishtinë, DRP Gjilan, DRP Gjakovë dhe DRP Mitrovicë Jugu. Pas përfundimit të operacionit policor, do të bëhen publike informacione shtesë”, ka thënë ai.
