Dy persona janë arrestuar në Mitrovicë për ryshfet, njëri instruktor i vozitjes e tjetri që po mësonte për vozitje të kategorisë B.
I dyshuari i ka ofruar para instruktorit ashtu që ta kalonte testin me shkrim të vozitjes, ka njoftuar Policia.
Policia ka sekuestruar 600 euro dhe dy telefona.
“Janë arrestuar dy të dyshuar meshkuj kosovar për shkak të dyshimit se njëri prej tyre në cilësi të instruktorit të vozitjes në një autoshkollë private ka pranuar nga i dyshuari tjetër para me qëllim të lehtësimit të procedurës për kalimin e testit me shkrim për kategorinë B të vozitjes. Në cilësi të provave materiale janë sekuestruar 600€ (6X100) para të gatshme dhe dy telefona celularë. Me urdhër të prokurorit të dyshuarit pas intervistimit janë dërguar në mbajtje”, thuhet në raportin e PK-së.
