Kandidati për deputet nga PDK me numër 37, Kurtan Kajtazi, në rrjetin social “facebook” ka kujtuar vitin 2011 kur bashkë me kryeministrin e atëhershëm Hashim Thaçin dhe ministrin e Financave Bedri Hamza, vunë gurthemelin e fabrikës së ujit në Vushtrri.
Kajtazi njihet si një nga bashkëpunëtorët e ngushtë të Thaçit dhe Hamzës, teksa ka thënë se ky projekt ndryshoi jetën e qytetarëve të Vushtrrisë.
“PDK është e krijuar për projekte të mëdha, që qytetari i Kosovës do t’i shoh sërish pas 9 shkurtit.” – shkruan Kajtazi.
Postimi i plotë:
Viti 2011, si deputet i Kuvendit të Kosovës bashkë me kryeministrin Hashim Thaçi dhe ministrin e Financave Bedri Hamza, vumë gurthemelin e fabrikës së ujit në Vushtrri, një projekt madhor që ndryshoi jetën e të gjithë qytetarëve të komunës sonë.
PDK është e krijuar për projekte të mëdha, që qytetari i Kosovës do t’i shoh sërish pas 9 shkurtit.
Vushtrrinë dhe Kosovën do ta bëjmë ma mirë.
#PDK131
#KurtanKajtazi37 ✅
