Cyrih, Zvicër – Në zemër të një prej qyteteve më të zhvilluara të Evropës, është shënuar një arritje e madhe për komunitetin shqiptar. Mjeku me prejardhje nga Drenasi, dipl. Arzt Lutfi Tahiri, ka hapur ordinancën “Praxis Tahiri”, të parën të këtij lloji të themeluar nga një shqiptar në Cyrih, e specializuar në psikiatri dhe psikoterapi, shkruan rajoni.org.
Vizita në këtë ordinancë, që ndodhet në një nga zonat qendrore të qytetit, është një përjetim i veçantë dhe një burim krenarie jo vetëm për familjen e doktor Tahirit, por për të gjithë komunitetin shqiptar në Zvicër dhe më gjerë.
Fryti i punës, përkushtimit dhe sakrificës shumëvjeçare e doktor Tahirit tani është një realitet i prekshëm, që dëshmon se ëndrrat e mëdha mund të realizohen kur nuk dorëzohesh.
Ordinanca “Praxis Tahiri” nuk është thjesht një vend pune. Është një hapësirë shërimi dhe një simbol i guximit dhe vizionit – një dëshmi se shqiptarët mund të japin kontribut të çmuar edhe në fushën delikate të shëndetit mendor. Në një kohë kur kjo temë po fiton gjithnjë e më shumë rëndësi në shoqërinë moderne, prania e një profesionisti shqiptar në këtë sektor është një shembull frymëzues për të gjithë.
Për më shumë: www.praxis-tahiri.ch
