Deputeti i PDK’së, Përparim Gruda ka folur në foltoren e Kuvendit pas dështimit të seancës së 44-të.
Ai ka thënë që PDK’ja shpreh ngushëllime familjes së Agon Zejnullahut, derisa kërkon edhe dorëheqjen e ministrit në detyrë, Xhelal Sveçlës.
Gruda tutje tha që duhet të hetohet ky rast.
“Ne kërkojmë përgjegjësi për këtë ngjarje tragjike që na tronditi të gjithëve. Në emër të PDK-së, kërkoj dorëheqjen e ministrit të Brendshëm, Xhelal Sveçla, si aktor i papërgjegjshëm politik dhe ligjor,” tha Gruda.
