Kryetari i degës së LDK-së në Vushtrri dhe kandidati për kryetar të komunës, Xhafer Tahiri, ka bërë të ditur se Doruntina Pllana Feka do të jetë pjesë e listës fituese të LDK-së për zgjedhjet lokale në këtë komunë, shkruan rajoni.org.
Pllana Feka, e cila aktualisht ushtron funksionin e zëdhënëses së degës së LDK-së në Vushtrri, vjen me një përvojë të konsoliduar në menaxhment dhe me arsimim të lartë – magjistër në ekonomi.
Sipas Tahirit, ajo përfaqëson zërin e rinisë së angazhuar, të grave aktive dhe të një gjenerate që beson në vlerat e Lidhjes Demokratike të Kosovës, trashëgiminë rugoviane dhe ndërtimin e institucioneve që shërbejnë me dinjitet.
Postimi:
Doruntina Pllana Feka do të jetë pjesë e listës fituese të LDK në Vushtrri ✌🏼
Doruntina është Zëdhënëse e degës së LDK-së në Vushtrri. Me arsimim magjistër i ekonomisë dhe përvojë në menaxhment, ajo ka ndërtuar një profil të fuqishëm si aktiviste politike dhe shoqërore.
Doruntina është zëri i rinisë së angazhuar, i grave aktive dhe i një gjenerate që beson në vlerat e LDK-së, në trashëgiminë rugoviane dhe në ndërtimin e institucioneve që shërbejnë me dinjitet.
Na priftë e mbara ✌🏼
XhaferTahiri ,Kryetar i LDK-së dega Vushtrri.
