Klubi i Drenicës ka bërë një lëvizje në merkato duke prezantuar transferimin e futbollistit venezuelas Ronaldo Chacón.
Lajmin e ka bërë të ditur vetë klubi përmes një komunikate zyrtare.
Ronaldo Chacón, 27-vjeçar, vjen nga kampionati venezuelas dhe pritet të sjellë freski në sulmin e skuadrës kuqezi.
Përveç aftësive të tij në fushë, emri i tij nga “Shqiponjat e Zeza” ka ngjallur menjëherë krahasime e asociime me superyllin portugez Cristiano Ronaldo.
Edhe pse bëhet fjalë për një futbollist krejt tjetër, fakti që Drenica tashmë ka “Ronaldon” e vet, ka bërë që tifozët të shpresojnë se ky transferim do të sjellë kupen e kampionit në “Bajram Aliu”.
