Një ngjarje e rëndë ka ndodhur të premten mbrëma në fshatin Ternovë të Skenderajt. Sipas raportit të Policisë së Kosovës, më 29 gusht 2025 rreth orës 19:30, një person është arrestuar pasi që pas një mosmarrëveshjeje e ka therur me thikë një tjetër person, shkruan rajoni.org.
Viktima ka marrë lëndime trupore dhe është dërguar menjëherë për trajtim mjekësor në spitalin e Pejës. Ndërkohë, i dyshuari është arrestuar dhe me vendim të prokurorit i është caktuar masa e mbajtjes./Rajoni.org/
