Kryetari i Partisë Demokratike të Kosovës, Memli Krasniqi, ka deklaruar se as sot nuk do të votojnë për zgjedhjen e Nenad Rashiq, si nënkryetar i Kuvendit nga komuniteti serb, ku edhe ka ngecur konstituimi. Ai tha se ka refuzuar edhe një takim sot me Kurtin për të diskutuar për këtë çështje.
Krasniqi tha se s’mund të bëhen pjesë e lojërave politike, pavarësisht se Rashiq në rrethana tjetra do të ishte nënkryetar shumë i mirë.
Sipas tij, Kurti nuk e ka pasur këtë entuziazëm as për zgjedhjen e Albulena Haxhiut.
“Nuk mund të bëhemi pjesë e lojërave politike, pavarësisht se Rashiq në një rrethanë tjetër do të ishte një nënkryetar shumë i mirë. Kurti këtë entuziazëm për me zgjedh Rashiqin, se ka pas as për me zgjedh Albulena Haxhiun e aq më pak për Dimal Bashën. Edhe ai e di që një gjë e e tillë s’është në pajtim”, tha Krasniqi, para seancës.
Ai tha se refuzoi sot një takim me Kurtin për kandidaturën e Rashiqit.
“Unë kam refuzuar sot që ta takojë z.Kurti përkundër kërkesës së tij që me u taku me diskutu për zgjedhjen e Nenad Rashiqit”, deklaroi Krasniqi.
Krasniqi tha se qëllimi i Kurtit dhe Vetëvendosjes është vazhdimi i bllokadës.
“Pse po insiston me kriju edhe një lëndë në Kushtetuese spo e kuptoj”, tha Krasniqi.
