Kandidati i LDK-së për kryetar të Vushtrrisë, Xhafer Tahiri, ka shpalosur disa nga zotimet e tij programore, duke theksuar se mbështetja për gratë dhe familjet e reja do të jetë prioritet i qeverisjes së tij.
Gjatë një vizite në biznesin familjar “Ajna Cake” në Bukosh, i cili punëson kryesisht gra dhe udhëhiqet nga Bajram Abazi, Tahiri tha se shembuj të tillë tregojnë fuqinë e grave në zhvillimin ekonomik të komunës.
Ai premtoi ndërtimin e një qerdheje të re për fshatrat Bukosh dhe Novolan, me qëllim që prindërit punëtorë të kenë fëmijët e sigurtë në kopsht.
Po ashtu, Tahiri paralajmëroi një program të posaçëm për strehimin e të rinjve, duke mbuluar normën e interesit për kredi banesore, që do t’i ndihmojë deri në 100 familje të reja çdo vit të blejnë banesë në Vushtrri./Mitropol/
