Sot, kandidati i Partisë Demokratike të Kosovës (PDK) për kryetar të Drenasit, Petrit Hajdari, ka qenë i ftuar në emisionin “DPD” me Fidan Jupollin.
Gjatë intervistës, Hajdari u pyet nga moderatori nëse e kontrollon Sami Lushtaku. Përgjigjja e tij ishte e qartë dhe direkte:
“Cili Sami? Unë, së pari, jam djali i Enver Hajdarit, i cili është kryetar i OVL-UÇK-së në Drenas. Gjatë gjithë karrierës time politike, asnjë njeri i vetëm nuk më ka kontrolluar. Unë e them publikisht se i jap llogari vetëm Zotit, qytetarëve, ligjit dhe PDK-së. Askush tjetër nuk më kontrollon…” ka deklaruar Hajdari.
