Kandidati për kryetar të Mitrovicës, Arian Tahiri, ka zhvilluar një takim me minatorët e Trepçës, të cilët i ka quajtur ndërgjegjja e Mitrovicës.
Gjatë këtij takimi, Tahiri ka vlerësuar lart punën e minatorëve, duke theksuar se ajo është më shumë sesa ekonomi, pasi përfaqëson dinjitet, sakrificë dhe amanet. Ai ka rikujtuar se minatorët shpesh kalojnë më shumë kohë nën tokë sesa me familjet e tyre, prandaj shoqëria dhe institucionet kanë një borxh të madh ndaj tyre.
“Ky borxh duhet t’u kthehet me veprime të drejta dhe dinjitoze, si për minatorët, ashtu edhe për familjet e tyre”, tha Tahiri, duke shtuar falënderimet e tij për gjithçka që minatorët kanë bërë dhe vazhdojnë të bëjnë për Mitrovicën dhe Kosovën.
