Kryetari i Komunës së Drenasit, Ramiz Lladrovci, ka reaguar pas vendimit për anulimin e rezultateve të numërimit të votave të zgjedhjeve nacionale të 28 dhjetorit dhe rinumërimin e tyre në 28 komuna.
Ai tha se zhvillimet ishin të pritshme dhe se procesi zgjedhor ka qenë i mjegullt dhe jo plotësisht transparent.
Sipas Lladrovcit, parregullsitë dhe vjedhjet e brendshme kanë dëmtuar rëndë reputacionin e individëve dhe besueshmërinë ndaj shtetit, duke treguar se demokracia në Kosovë është e brishtë dhe e sëmurë në pikën më të ndjeshme, zgjedhjet.
