Kjo kohë krize për qytetarët e komunës së Skënderajt si duket për prijësit e tyre komunalë nuk vlen për faktin se ata nuk po kujdesën fare që sado pak ta kursejnë buxhetin e taksapaguesve të kësaj ane, shkruan portali rajoni.org. Prijësit e kësaj komune përkundrazi, po duket se e kanë shtre “taraqillakun” sikur të ishin ndonjë sheik nga vendet e pasura arabe, të pasuruara me naftë.
Në këtë drejtim sipas një raporti të publikuar janë trefishuar shpenzimet. Sipas raportit në fjalë komuna e Skënderajt gjatë periudhës (janar –dhjetor 2022) ka shpenzuar 37,135 euro e 15 cent për këtë qëllim, që i bije 100€ në ditë.
Në krahasim me vitin e kaluar, pra në vitin 2021 komuna kishte shpenzuar 18, 780 euro ndërsa një vit më herët vetëm 9487 mijë euro. Shpenzime në dreka zyrtare kemi shifrën 37, 135. 15. Pos në dreka dhe darka këtu kemi rritje edhe të shpenzimeve për derivate të automjeteve nga 60 mijë e 462 euro në 90 mijë e 598 euro. Kurse kemi zvogëlim të furnizimeve mjekësore nga 100,36.82 euro në 39,128.42. Më poshtë e keni pasqyrimin e raportit të plotë: