Kjo foto nuk është shkrepur në ndonjë vend të Azisë apo Afrikës. Ajo është shkrepur afër një shkolle, ku mësojnë mbi 300 nxënës në ditë, të cilët lehtë mund të pësojnë nga ndonjë epidemi, shkruan portali rajoni.org.
Kjo gjendje nuk është e sotit, por ka tre muaj qe qendron kështu. Ajo tregon për kulturën tonë të pashpresë, kur është në pyetje ruajtja e ambientit ku jetojmë.
Bëhet fjalë për Lumin Klina dhe pjesën ku ky lum kalon afër shkollës fillore “Idriz Berani” në këtë fshat.
Kjo gjendje ka ardhur edhe si pasojë e mungesës së angazhimit të pushtetit komunal, pasi ata gjithmonë pastrimin e kanë bërë në anën e kundërt të rrjedhjes.