Rastet kur qytetarët largohen nga shtëpia pa dijeninë e familjarëve të tyre, nuk janë të rralla. Këto veprime alarmojnë familjarët të cilët kërkojnë ndihmën e Policisë dhe marrin veprime me forcat e tyre për të mësuar për vendndodhjen e më të dashurve, raporton Gazeta Sinjali.
Një rast i tillë që është raportuar në Istog ka aktivizuar njësitë policore që u vunë në lëvizje për të lokalizuar vendndodhjen e një 36-vjeçareje e cila u shpall e zhdukur.
Pas veprimeve hetimore është arritur që të kontaktohet viktima, e cila ka deklaruar se ka nisur bashkëjetesën me një person.
Bazuar në dëshminë e saj, këtë e ka bërë me vetëdëshirë dhe nuk ka preson nga askush.