Policia e Kosovës ka kërkuar ndihmën e qytetarëve të vendit për të identifikuar dy persona të cilat dyshohet se janë përfshirë në një rast të vjedhjes më 12 dhjetor të vitit të shkuar në Prishtinë, raporton Gazeta Sinjali.
Përmes një njoftimi, Policia bën thirrje që çdo informacion që kanë qytetarët e që mund të çojë në identifikimin e personave apo vendodhjes së tyre, ta ndajnë me Policinë në numrin 192.
“Njësiti i hetimeve të stacionit policor Qendra në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personave që shihen në fotografi”, thuhet në njoftim.