Një granatë dore është hedhur në oborrin e shtëpisë së Bahri Hysenit, kryesuesit të bordit të “Trepçës”, në Mitrovicë.
Nga Policia e Kosovës kanë dhënë për lajmi.net detaje lidhur me rastin.
Ilmi Prekazi, zëdhënës i Policisë për rajonin e Mitrovicës, ka thënë se nga mjeti shpërthyes, Hysenit i janë dëmtuar dy automjete dhe një pjesë e shtëpisë.
Sipas Prekazit rasti u lajmërua nga Hyseni në Polici në mëngjesin e së enjtes në orën 07:43.
“Rreth orës 07:43, të ditës së sotme një ankues ka njoftuar policinë se dy automjete pronë e tij ishin dëmtuar. Njësitë policore kanë shkuar në vendin e ngjarjes dhe është vërejtur se dy automjete dhe një pjesë e shtëpisë ishin dëmtuar dyshohet nga një mjet shpërthyes. Njësitë kompetente policore kanë dalë në vendngjarje për ekzaminimin e vendit të ngjarjes”, tha Prekazi .
