Reparti i Stomatologjisë në Qendrën Kryesore të Mjekësisë Familjare në Drenas ka zgjatur orarin e punës. Kjo në mënyrë që të ketë lehtësime për shërbime ndaj qytetarëve.
“Ky zgjerim i gamës së shërbimeve do të sjellë më shumë lehtësi për qytetarët. Nisur nga sot, banorët e Komunës së Drenasit mund të përfitojnë shërbime stomatologjike në oraret e zgjeruara, nga ora 08:00 e mëngjesit deri në orën 20:00 të mbrëmjes, pra me dy turne, falë një stafi të përkushtuar të profesionistëve shëndetësorë”, thuhet në njoftimin e komunës së Drenasit.
Tutje në njoftim thuhet se ky vendim do të zgjerohet edhe në Tërstenik, Arllat dhe Komoran, për të siguruar qëndrueshmëri në ofrimin e shërbimeve stomatologjike.