Komuna e Drenasit me 15 shtator të këtij viti e ka nënshkruar kontratën me operatorin ekonomik “Urban Tech” për mirëmbajtjen e paisjeve teknologjike në shkolla – projekt dy vjeçar, raporton portali rajoni.org.
Siç bëhet e ditur në dokumentin qe posedon portali rajoni.org, vlera totale e projektit është 50 mije euro, ndersa vlera e poentimit është 2 mije e 404 euro.
Pronari i Urban Tech mbështetes i strukturës se Ramiz Lladrovcit
Urban Tech përveç si përfitues i tenderit në Komunën e Drenasit, pronari i saj, Kushtrim Qorri, njihet edhe për mbështetjen dhe afërsin e tij të madhe ndaj kryetarit të kësaj komuna, Ramiz Lladrovcin e PDK-së.
Rajoni ka zbuluar se Kushtrim Qorri përveç tyre është edhe anëtar i PDK’së i nëndegës Drenasi III.
Tenderët me poentim të çmimit – mundësi për keqpërdorime
Procedura e poentimit të çmimit është një procedurë e cila përdoret në prokurimin publik për rastet kur autoriteti kontraktues “nuk e di” sasinë e artikujve që do të porosisë, dhe për këtë qëllim secili artikull në listë të çmimeve e ka sasinë “1”. Gjatë zbatimit të kontratës porositë bëhen varësisht prej nevojave që dalin.
Demokraci Plus, përmes faqes Flamujt e Kuq në Prokurim Publik kishtë gjetur se Komuna e Prizrenit kishtë lidhur kontratë me vlerë 1.5 milion për tenderin “Furnizim me zhavorr për rrugët e paasfaltuara” duke përdorur procedurën e poentimit të çmimit. Një metër kub zhavorr është paguar 24 cent, ndërsa nga 30 pozicione në paramasë, 19 prej tyre kanë çmim prej 4 cent.