Kandidati për kryetar të Mitrovicës, Arian Tahiri, ka vizituar sot shkollat e fshatrave të Shalës së Bajgorës, ku është informuar për përgatitjet e bëra për fillimin e vitit të ri shkollor.
Tahiri tha se institucionet arsimore janë të gatshme për të pritur nxënësit nga e hëna, duke falënderuar mësimdhënësit dhe stafin e shkollave për angazhimin e tyre.
Gjatë vizitës, ai mori pjesë edhe në një moment të veçantë – festimin e ditëlindjes së 65-të dhe pensionimit të mësuesit Xhafer Maliqi, të cilin e nderoi me mirënjohje për kontributin e madh në edukimin e fëmijëve të Shalës së Bajgorës.
