Dy ditë me parë një mjeke është sulmuar fizikisht në vendin e saj të punës në QKMF të Drenasit, shkruan rajoni.org.
Lidhur me rastin, ka reaguar edhe asamblisti kuvendit komunal të Drenasit, Mehdin Salihu.
Ai thotë se për rastin nuk ka pasur asnjë reagim nga Komuna e Drenasit, nga Oda e Mjekëve të Kosovës dhe as nga QKMF Drenas ku punon mjekja.
Salihu mos reagimin e këtyre organeve i ka quajtur “turp” dhe ka paralajmëruar se raste të tilla janë shqetësuese për sigurinë e qytetarëve.
“Sot mjekja, por nesër mund të jetë secili prej nesh”, ka shkruar ai në reagimin e tij.
