Investimet infrastrukturore në Komunën e Vushtrrisë po vazhdojnë me intensitet. Kryetari i Komunës, Ferit Idrizi, ka bërë të ditur se tashmë ka përfunduar asfaltimi i rrugës kryesore në fshatin Lumadh.
Ky projekt konsiderohet si një ndër më të rëndësishmit për banorët e zonës, duke ofruar një infrastrukturë moderne që lehtëson qarkullimin dhe përmirëson cilësinë e jetesës së tyre.
“Një projekt i rëndësishëm dhe modern, që ua lehtëson jetën dhe qarkullimin të gjithë qytetarëve. E gëzofshin banorët!”, ka shkruar Idrizi.
Përmes këtij investimi, banorët e Lumadhit tashmë do të kenë një rrugë të përshtatshme për qarkullim, duke ndikuar pozitivisht edhe në zhvillimin e fshatit.
